Urdu Nursery Rhymes and much more

January 1, 2007 at 7:35 am 56 comments

Folks, this is treasure!

Please add if you have anymore of these:

chandamama dur ke, puye pakaayen boor ke
aap khaayen thaali mein, munne ko de pyaali mein
pyaali gayi toot munna gaya rooth
laayenge nayi pyaaliya baja baja ke taaliyaan
munne ko manaayenge ham doodh malaayi khaayenge,
chandamama …

udankhatole baith ke munna chanda ke ghar jaayega
taaron ke sang aankh michauli khel ke dil behlayega
khel kood se jab mere munne ka dil bhar jaayega
thumak thumak mera munna vaapas ghar ko aayegaa,
chandamama …

********************** 

Titlee uree
Urh na sakee
Bus may baithee
Seat na milee
Bus driver bola
Aaja meray paas
Titlee bolee
Chal badmaaaash!!

********************** 

Bul Bul ka bacha
khata tha kichRi
peeta tha paani
aik din akela
beTha hua tha
maiN nae uRaya
wapis na aaya
bul bul ka bacha

********************** 

Akkar bakkar bumbay baw
Assi naway poorai saw
Saw mai laga dhaga
Choar nikkal kai bhaaga
Rail aaye chuk chuk
Anda Double roti biskut

********************** 
eik tha raja
eik thee rani
dono milgaye
khatam kahanee

********************** 

Choonchoo choonchoo chacha
ghari par chooha nacha
ghari ne aik bajaya
chooha neechay aaya

 Abbu ji nay pakra
Ammi nay pakaaya
Sab nay mil kar khaya
Bara maza aaya!

********************** 

Mota Aloo pllpila, Buhu ko ley kar ghir para
Buhu gaee Nalay me, Mota gaya thane mey.

********************** 

Mota pait

sadak per late

gaari ayi phat gaya pait

gaari ka number 428

********************** 

aik tha larka tot batot
Naam tha uss ka Mir salot
Pita tha woh Soda water
khata tha badaam akhrot

********************** 

one day cricket

khelengey cricket

marengey chakka

tooteyga sheesha

ayegi police

jayenge thaaney

mareengey dandey

khaaingey andey

********************** 

hari thi man bhari thi

no laakh moti jari thi

raja jee k baag main

doshala ohrey khari thi

********************** 

tum mere dost ho

billi k gosht ho

********************** 

cham cham cham

aath aaney ki chalia

aath aaney ka paan

chal mere ghorey hindustan

hindustan ki pehli gali

pehli gali main liaqat ali

liaqat ali ko goli lagi

sari dunya roney lagi

rotey rotey bhook lagi

khalo beta moongphali

moongphali main dana nahin

hum tumharey nana nahin

nana gaye dilli

dilli sey laye billi

billi ne diye do bachey

allah mian sachey

sachey sachey jaingey

bhai ki dulhan laaingey

bhai ki dulhan kali

sau nakhron wali

ek nakhra tuut gaya

bhai ka mun sooj gaya!

********************** 

Doost haiN apnay Bhai BhulaaKar
BatieN sari unn ki GarbaR
Rah chalaien tu rastaa bhoolieN
Bus main jaieN tu bastaa bhoolieN


********************** 

surriya kee gurriya nahanay lageee
nahanay lagee doob jaanay lagee
baree mushkilon say bachaya ussay
kinaray pay main khainch laya ussay…

********************** 

Aik thi achchi chirya pyari
Dana chughti thi bichari
Doosray Chirya uRh kar aaee
Bhooki pyasi thi be-chariAchchi chirya nay jo dekha
us ko apnay paas bulaya
“Aow meri pyari aow
bhooki ho to dana kaao
dana dunka jo kuch paaiN
hum tum mil kar dono khaaeN”
********************** 

Chanda mama gol matol,

Kuch to bol, kuch to bol.

Kal tai aadhey, aaj ho gol,

khol bhi do ab apni pol

Raat hote he tum aa jate,

Sang-sath sitare late.

Lekin din mai kahan chip jate,

Kuch to bol, kuch to bol.

********************** 

 Machhali jal ki hai raani ,
Jeevan uska hai paani ,
Haath lagao, dar jaayegi
Bahaar nikaalo, mar jaayegi

********************** 

Subha Savere Aati Titli , 
Phool-Phool par jatti Titli, 
Rang Birange pankh sajaye, 
Sabke Mann ko bhati Titli. 

About these ads

Entry filed under: shoq-o-zoq. Tags: .

Holocaust Denial? Sach kahdo…

56 Comments Add your own

  • 1. Asma  |  January 1, 2007 at 11:08 am

    Ohh they are so cute … such a nice reminder :)

    Eid Mubarak n Happy new yr too ..!

    Reply
  • 2. Asma  |  January 1, 2007 at 11:11 am

    another one …

    Bulbul ka bacha, khata tha khichri, pita tha paani, Bulbul ka bacha. Gata tha ganey, meray sarhaney betha hua tha, main ne uraya, wapis na aya …!

    Reply
  • 3. Dr.  |  January 27, 2007 at 5:46 pm

    Surayya ki gurria soooi huii hay…ghantii bajao usko jagao..
    taubah hay meriii, me na jagaoon..
    wo uth paraygee..
    mujhe se larai geee…

    5 choohay ghar se niklai karnay chalay shikkar
    1 chooha reh geya peechay baki reh gaye 4
    4 choohay jo reh gaye baki lagay bajanay beeen
    1 chohay ko agayee khansii baki reh gaye 3
    3 choolay dar k bolay ghar ko bhaag chalo
    1 choohay ne baat na mani baki reh gaye 2
    2 chohay jo reh gaye baki dono he thay naik
    1 choohay ko kha gayee billi baki reh gaya aik
    1 chooha jo reh gaaya baki us ne karli shadi
    bivi mili usay laraka..yun hui barbadi

    1,2,1,2
    sanp ki dum maror do..chillai to chor do
    aik, do, aik do
    cheoonti ka sir phoor do
    chillai to chor do
    1, 2 , 1 ,2

    bohat hain ni?:)

    Reply
    • 4. zahid  |  October 27, 2013 at 12:58 pm

      veryy veryyyy nice

      Reply
  • 5. Abdul Aziz  |  May 27, 2007 at 1:51 pm

    What a great treasure of poem for kids !!!!
    So old, So Simple and So easy to remember for children !!!
    Congratulation for this great job !!!!
    Abdul Aziz
    Benares
    India

    Reply
  • 6. Hira  |  September 25, 2007 at 3:27 pm

    yar kya poems hote hain ye ……………
    sara bachpan galyoun main khel khel k naray lagy hain inkay…bs chanda mamoon achii lag emujhay is main…

    is say zyada tou mujhay ate hain

    i was looking for my school purpose

    ye tou acha mazaq kea hay aapnay;)

    Reply
  • 7. Khurram  |  December 13, 2007 at 4:36 pm

    Eik tha teetar – Eik Batair,
    Larnay main thay donoon sher,
    Lartay lartay ho gai gum,
    Eik ki choonch eik ki dum.

    Reply
  • 8. rationalit  |  March 4, 2008 at 1:14 am

    khotay ka bacha
    ik din akeela
    soya hua tha
    main nay jagaya
    yeh message parh kay
    wapis na aaya
    khotay ka bacha
    ———————-
    no offence you can delete this after reading i dont want to ruin the peace of this forum its just to make people laugh with a nitty gritty thing. sorry if any one feels offended ;)

    Reply
  • 9. rationalit  |  March 4, 2008 at 1:21 am

    i am going to create a contemporary translation of Jack an Jill

    Jeera aur peera
    lotay pakar kay
    paani ko paanay
    pahar pe char gaye
    pagal thay donon
    yeh bhi na socha
    pani bhala kab
    ooper say milta
    sadiyaan hoi hain
    ooper say neechay ko
    behta hay paani
    phir munh bana kar
    lotay kay jaisa
    lota liye woh
    paani say khali
    neechay utar gaye
    khatam kahani

    Reply
  • 10. Perfectly  |  June 19, 2008 at 4:20 am

    Somehow i missed the point. Probably lost in translation :) Anyway … nice blog to visit.

    cheers, Perfectly.

    Reply
  • 11. javeria  |  February 7, 2009 at 7:35 pm

    i wana submit my poem
    twinkle twinkle little star,
    who has made u wat u r,
    shining over rain n sea,
    higher then the tallest tress,
    Allah has made u n me
    like a star so perfectly :)

    Reply
  • 12. javeria  |  February 7, 2009 at 8:18 pm

    aloo mian aloo mian kahan gay thai
    sabzi ke tokri main so rahy thai
    bhindi nai lat mari ro rahy thai
    gajar nai piyar kia hans rahy thai
    matar say kera nikla dar gay thai
    aloo mian aloo mian kahan gay thai
    sabzi ke tokri main so rahy thai :)

    Reply
  • 13. sam  |  March 13, 2009 at 11:17 am

    These are the best poems i’ve read since childhood and my kids teachers wanted to know if we had any poems in our own language. isn’t this great. Thankyou everyone it has been a pleasure reading and remembering the best of times.

    Reply
  • 14. aisha  |  March 29, 2009 at 12:23 pm

    well done! old is gold
    bachpan ki yad taza ho gai
    i add one more
    Machli jal ki rani hai
    jeevan us ka pani
    hath lagoi gay tu dar jai gi
    pani say nikalo gay mar jai gi
    rehnay do is ko zinda
    Machli jal ki rani hai

    Reply
  • 15. Momin  |  April 11, 2009 at 7:26 pm

    aler baler baway da
    bawa kank leaway ga
    bawi bai kay chatay gee
    soo rupeeaa wattay gee
    aik rupeea khoota
    uddah lay andda loota
    lootay vich paani
    maa teri raani
    paio tera raja
    sonay da darwja
    chandi diayan poorian
    sat paina gorian
    aik pain kali
    ohi kerma wali

    Reply
    • 16. Jamshed Muzaffar  |  October 18, 2009 at 12:46 pm

      Allar ballar bawey da
      Bawa bund marawey ga
      bawi nasdi awey gi
      Gand trope lawey gi
      Trope lande tut gai sui
      Bawey wekhia phat gai tui

      Reply
  • 17. ameer hamza  |  April 21, 2009 at 9:50 am

    very nice the childrens of pakistan r very nice.i like it but.pakistan zindabad

    Reply
  • 18. ameer hamza  |  April 21, 2009 at 9:56 am

    cobler cobler mend my shoe
    get it done by half past two
    stitch it up and stitch it down
    then i will give u half a crown

    hello!i m naveera

    Reply
    • 19. Hassan Ammar  |  February 12, 2013 at 6:36 am

      wonderful poem

      Reply
  • 20. iqra  |  May 7, 2009 at 6:59 pm

    i surprise to see it . its a wonderful job because i remember my childhood and my school and my old teachers and friends

    Reply
  • 21. Nisha Rawal  |  June 17, 2009 at 8:47 pm

    I am a language assistant and have learnt this rhyme which children love.

    Maine ek kabuthar pala
    Nana muna bhola bhala
    Ek din usna urna sikha
    Urtha urtha chat per poncha
    Bhagi bhagi beeli aye
    Pakra usko khageyi beeli
    Hai! Hai! zalim beeli.

    Reply
  • 22. Abida Khan  |  June 23, 2009 at 6:05 am

    I like these rythems very much specially for my child.

    Reply
  • 23. M. Shakir  |  July 14, 2009 at 1:41 am

    I am fond of fantasy so I keep on web and etc. My friend told me this web so now I want to visit. let’s see….

    Reply
  • 24. Sundas  |  July 21, 2009 at 6:00 pm

    Itni achi website k liye thanx
    bachon k liye aur nursery teachers k liye ye bht achi website hay.

    Reply
  • 25. fatima  |  September 28, 2009 at 6:19 pm

    I wanna add 1 more poem of our childhood.

    uttho beta ankhen kholo,
    bister choro or mun dho lo,
    itna sona thek nahi hai,
    waqt ka khona thek nahi hai,
    suraj nikla tare bhagey,
    dunya walay sare jage,
    phool khile khush rang rangiley,
    surkh,safaid or neele,peele
    tum bhi uth kar bahir jao
    aise waqt ka lutf uthao.

    Reply
  • 26. mona shakeeb  |  October 19, 2009 at 9:22 pm

    vry nice poems.. muje mera bachapn yaad kra dia . :)

    Reply
  • 27. shine  |  February 5, 2010 at 5:27 pm

    veryyy nice

    Reply
  • 28. shine  |  February 5, 2010 at 5:37 pm

    dekkho daakia aaya hai
    saath apnay khatt laya hai
    garmi hai ya sardi hai
    iss ki aik hi wardi hai
    naak pay ainak rakhi hai
    kaandhay pr eik thaila hai
    dhoop mein chal k aya hai
    garmi se ghabraya hai
    phir bhi gher gher jata hai
    sab k khatt pohnchata hai
    aao bhai khub aaye
    Lao humain do kya laaye
    Aaha abba ki chitti
    Aaha abba ki chitti

    Reply
  • 29. shine  |  February 5, 2010 at 5:45 pm

    maano bari achi maano
    maano bari pyari maano
    kahan gai thi
    kahan gai thi
    chaltay chaltay jaa pohnchi
    mein aik chakki pr
    chaltay chaltay jaa pohnchi mein
    aik chakki pr
    (phir kia hua ? phir kia hua ?)
    gayhu daala chaki mein or aata peesa tha
    gayhu daala chakki mein or aata peesa tha
    (phir banaya kia ? phir banaya kia ?)
    mazay mazay ka meeth meetha cake banaya tha
    mazay mazay ka meetha meetha cake banaya tha
    phir kia hua ? phir kia hua ?
    chuha kha gya cake ko mein kha gai uss ko
    chuha kha gya cake ko mein kha gai uss ko
    Maano bari gandi maano
    maano bari gandi maano
    yeh kia kia
    chatay se chuhay ko tum kha gai kiyun
    chotay se chuhay ko tum kha gai kiyun. :)

    Reply
  • 30. Urdu Poetry  |  February 12, 2010 at 2:03 pm

    These reminds me of my childhood :)

    Reply
  • 31. Rehan  |  April 1, 2010 at 5:54 pm

    Great poems, kaash bachpan wapis mil sakta.
    Want to add one more poem.
    Teenda teenda aam ka achar
    Kha lo chutni le lo dakar

    Reply
  • 32. shahid  |  May 2, 2010 at 2:27 pm

    good site for poem

    Reply
  • 33. viny  |  May 4, 2010 at 10:48 am

    you have a great collection of poems for kids.

    Reply
  • 34. viny  |  May 4, 2010 at 10:50 am

    you have a great collection of poems.

    Reply
  • 35. waqar  |  May 4, 2010 at 10:53 am

    want to add more.

    machli ka bacha
    Abbu ji nay pakra
    Ammi nay pakaaya
    Sab nay mil kar khaya
    Bara maza aaya!

    Reply
  • 36. maha  |  May 6, 2010 at 7:26 pm

    rain rain go away come again another day little johny went to play poems mujh bought achi lagti han

    Reply
  • 37. Muhammad Tauha Ali  |  July 24, 2010 at 8:18 pm

    ohhhhh. this is sooooo gooood. it just soo reminded me of my childhood. really very nice web page and comments too.

    Reply
  • 38. Muhammad Tauha Ali  |  July 24, 2010 at 8:24 pm

    here’s one from me:
    cham cham cham

    umbrella lekar nikley hum
    my pair is phisling
    gir parey hum
    upar basta neechey hum
    gari bhejo we’ll come
    ammi nay mara

    dham dham dham

    Reply
    • 39. husnain  |  December 13, 2010 at 10:03 pm

      bara he koi bakwas the samaj he nhi aye apne bare mein likha tha

      Reply
  • 40. atifkamal  |  September 20, 2010 at 11:40 am

    : )
    coooooool, m recalling those golden days of life….

    Reply
  • 41. fiza  |  December 21, 2010 at 11:07 am

    nice poems

    Reply
  • 42. darkan  |  February 8, 2011 at 3:50 pm

    this all poem is very old and bad waya mama khar de pa so de da da kam ze na de rawaste pa nakhro de waya mama waya mama khar de pa so de da de warsha kor ke da mami na tapos oka che khar de pa so de

    Reply
  • 43. Brave  |  October 12, 2011 at 11:25 am

    Dekho Dakia Aya hay Sath apnay Khat laya hay
    Germi hay ya serdi hay Uski 1 hi werdi hay
    Sir pe khaki pagri hay naak pe ainak rakhi hay
    Kandhay per ik thela hay jis me wo khat rakhta hay
    dhoop me chal ker aya hay germi se ghabraya hay
    phir bhi gher gher jata hay sab ko khat ponhchata hay
    Aao bhai Khoob aiy Lao hamain do kia laiy
    Aha!! Abba ki chitthi…Aha!! Abba ki Chitthi

    Reply
  • 44. Usman  |  November 11, 2011 at 10:49 am

    Lovely, Awesome, Superb!
    Ye daulat bhi le lo, ye shoharat bhi le lo,
    Bhale cheen lo mujh se meri javani,
    Magar mujh ko lautaa do bachapan ka saavan,
    Vo kaghaz ki kashti, vo barish ka pani.

    Thanks to all

    Reply
  • 45. liberty reserve  |  January 5, 2012 at 7:34 am

    An stimulating discussion is designer remark. I consider that you should pen much on this content, it power not be a inhibition individual but generally grouping are not enough to verbalise on much topics. To the succeeding. Cheers like your Urdu Nursery Rhymes and much more Malang.

    Reply
  • 46. shehnaz  |  January 30, 2012 at 6:41 pm

    one poem from me.
    ik tha geito gray, us ke doo moor thay
    ik ka kala tha sar, ik ke peelay thay par
    dana khatay thay wo, dum hilatay thay ho
    ik din, din dhalay aapne ghar se chalay
    kuch yahan seer ki, kuch wahan seer ki
    dekhtay dekhtay din guzarney laga sham honey lagi
    jab andhera hua geito ghabra gaya
    dil kehney laga, hay ye kia majra
    ab tak aaye nahi, janey wo kho gaye kaheen
    ab jata hon mai un ko lata hon mai
    boly gaito ki maa baat suun meri ja
    tu hai gaito gray tu unhain chorr de
    dekhtay dekhtay moor ghar aa gaye
    aab jaoo gay tum, maar khaoo gay tum
    gaito ki iss baat pe moor khush ho gay
    sar kojaney lagay dum hilaney lagay.

    Reply
  • 48. Tariq  |  March 10, 2012 at 1:41 am

    Cool
    Thanks i have been find this poem for long time,, i used to sing this poem to my daughter when she was little and she wants to hear the rest of it , thanks again

    Reply
  • 49. madiha  |  May 2, 2012 at 9:35 am

    very nice.
    one poem from me :titli hoon main titli hoon ,phoolon say main nikli hoon thanda pani piti hoon ,upper pankha chalta hai nichay munna soota hai ,munnay ki ami mooti khati double roti ,double roti bussi munnay ki ammi rusi ,double roti tazi munnay ki ami razi

    Reply
  • 50. Haseeb Quraishi  |  July 28, 2012 at 4:29 pm

    Weldon bachpan yaad aagaya kiya khoob zamaana tha

    Reply
  • 51. ali  |  October 14, 2012 at 8:58 am

    nani mumni piyari tiettli neelii peeli kali tettli
    piyary piyary rango wali par hy jesy nazook dali
    phool ki pati ki soorat hy urti phrti ek morat hy
    ye pholo ki shezadi hy bhag main is sy azadi hy

    Reply
  • 52. khaula  |  November 27, 2012 at 10:20 pm

    very nice ..good efforts in contributing lovely poems forum..i also have one
    naani teri morni ko mor le gai
    baki jo bacha tha kaale chor le gai
    nani teri ….
    baki jo bacha tha…
    kha k pee k mote ho k chor betha rail me
    choro wala daba ker k pohanche seedha jail me
    nani teri …
    choro ki phir khoob khaber li mote thane daar ne
    moro ko bhi khoob nachaya jungle ki serkar ne
    nani teri mori….
    achi nani piyari naani roosa roosi chor de
    jaldi se ek paisa de de ab kanjoosi chor de
    nani teri morni ko mor le gai
    baki jo bacha tha kaale chor le gai..

    Reply
  • 53. khaula  |  November 27, 2012 at 10:25 pm

    titli urhi, urh na saki, phool ne kaha, aja mere pass, titli kahe me chali akaash..rang birangi ,jhil mil kerti , phurr phurr urti jaiii. jab me us ko pakerna chahoon jhat se wo urh jai,, badlo k sang urh k chali, badal ne kaha .. aja mere pass, titli kahe me chli akash..

    Reply
  • 54. saba sajid  |  December 7, 2012 at 10:44 am

    i want poem
    morni o morni tu ne mor se katti kiun ki and mai hun nanha dakiya

    Reply
    • 55. maria  |  January 2, 2014 at 12:21 pm

      morni o morni tu ne mor se katii kiun ki
      mor bechara! seedha saddha, bhola bhala pyara pyara
      us k sir pa taj ha
      baghon man bhi raj
      larna buri baat ha
      ja mor ko mana
      ja mor ko mana

      Reply
  • 56. mehwish  |  March 21, 2014 at 6:13 am

    lovely poems
    one from me

    badal badal mein barsa
    phoolon k mukhry dho ja
    chirya chirya gana ga
    chuny muny ko khush kar ja

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed



Follow

Get every new post delivered to your Inbox.

%d bloggers like this: